ជីវិតថ្មី នៅក្នុងព្រះគ្រីស្ទ ដោយ អេលែន អ័តធីង
ជីវិតថ្មីដែលអ្នកមានជាមួយព្រះគ្រីស្ទ គឺជាជីវិតដែលល្អប្រសើរបំផុតដែលអ្នកអាចមាន។ ព្រះយេស៊ូមានបន្ទូលថា «ខ្ញុំមក ដើម្បីឲ្យគេមានជីវិត ហើយឲ្យមានជីវិតពេញបរិបូរ។» (យ៉ូហាន ១០：១០)។ ឥឡូវនេះយើងបានក្លាយជាកូនរបស់ព្រះហើយ (យ៉ូហាន ១：១២) វាជាការចាំបាច់ដែលអ្នកត្រូវរីកចម្រើននៅក្នុងទំនាក់ទំនងខាងព្រលឹងវិញ្ញាណរបស់អ្នកជាមួយនឹងព្រះជាម្ចាស់។ ការរីកចម្រើននេះ គឺរីកចម្រើនតាមរបៀបជាច្រើន។
ក្នុងនាមជាកូន គឺយើងមានតួនាទីនៅក្នុងការស្តាប់បង្គាប់ដល់ឪពុកនៅលើផែនដី ហើយយើងក៏ត្រូវស្តាប់បង្គាប់ព្រះវរបិតាដែលគង់នៅស្ថានសួគ៌ដែរ ដោយយើងតបស្នង ដោយការអរព្រះគុណព្រះអង្គនូវអ្វីដែលទ្រង់បានធ្វើសម្រាប់យើង ព្រមទាំងក្តីស្រឡាញ់របស់ព្រះអង្គសម្រាប់យើង។
ដោយការអានព្រះបន្ទូលព្រះអង្គ ដែលជាព្រះគម្ពីរ យើងនឹងទទួលបាននូវការបង្ហាត់បង្រៀន ប្រដៅតម្រង់ សម្រាប់ការរស់នៅតាមផ្លូវដែលត្រឹមត្រូវ និងស្គាល់ពីបំណងព្រះហឫទ័យរបស់ព្រះជាម្ចាស់ សម្រាប់ជីវិតរបស់យើង (២ធីម៉ូថេ ៣：១៦)។ ខ្ញុំសូមណែនាំឲ្យអ្នកអាន មួយជំពូកក្នុងមួយថ្ងៃ ឬ ផ្នែកនៃកណ្ឌគម្ពីរយ៉ូហាន នៅក្នុងព្រះគម្ពីរ។
ការអធិស្ឋានគឺជាការនិយាយទៅកាន់ព្រះ។ កុំគ្រាន់តែអធិស្ឋានពីកិច្ចការធំៗប៉ុណ្ណោះ ប៉ុន្តែអ្នកក៏អាចអធិស្ឋានពីរឿងតូចតាចបានដែរ។ នៅក្នុងព្រះគម្ពីរបានចែងថា យើងគួរតែអធិស្ឋានដោយការអរព្រះគុណជានិច្ច (ភីលីព ៤：៦)
ការប្រាប់ដល់អ្នកផ្សេងទៀតពីព្រះគ្រីស្ទ ប្រាប់ពីអ្វីដែលព្រះអង្គបានធ្វើសម្រាប់អ្នក និងពីអត្ថន័យដ៏ជ្រាលជ្រៅដែលព្រះអង្គមានមកកាន់អ្នក (ម៉ាថាយ ២៨：១៩，២០)។
វាជាការចាំបាច់ដែលអ្នកត្រូវមានការប្រកបជាមួយនឹងអ្នកជឿដទៃទៀតដែលស្រឡាញ់ព្រះអង្គដែរ។ ដូចជារងើកធ្យូង ឬអុស ដែលវានឹងរលត់ទៅ នៅពេលដែល ដកចេញពីភ្នក់ភ្លើង ដូចគ្នាដែរ យើងអាចនឹងត្រជាក់ នៅក្នុងសេចក្តីស្រឡាញ់ដែលយើងមានសម្រាប់ព្រះអង្គ ប្រសិនជាយើងមិនប្រកបជាមួយនឹងអ្នកជឿផ្សេងទៀត។ ពួកគេក៏ជាផ្នែកនៅក្នុងការលើកទឹកចិត្តដល់យើងដែរ។
ជាចុងក្រោយ សូមនឹកចាំថាទោះជាសាតាំងព្យាយាមបំបាក់ទឹកចិត្ត និងល្បួងអ្នក ព្រះយេស៊ូក៏បានជួបនូវការល្បួងដែរ (ម៉ាថាយ៤：៤-១១) ព្រមទាំងមានជ័យជំនៈ! ព្រះអង្គប្រទានកម្លាំងដល់យើងតាមរយៈអំណាចនៃព្រះវិញ្ញាណបរិសុទ្ធ។
សូមព្រះអង្គប្រទានពរអ្នកនៅក្នុងជីវិតថ្មីនេះ!
រស់នៅអសកល្បជានិច្ច ការសិក្សាផ្នែកទី១
១. តើមានអ្វីកើតឡើងនៅពេលដែលអ្នកជឿ (ទុកចិត្ត) នៅក្នុងព្រះយេស៊ូគ្រីស្ទ (យ៉ូហាន ៥:២៤).
ជីវិតអសកល្បជានិច្ច គឺមិនសម្រាប់តែជីវិតបន្ទាប់ពីស្លាប់ទៅហើយនោះទេ ប៉ុន្តែ ជីវិតខាងព្រលឹងវិញ្ញាណយើង ចាប់តាំងពីពេលដែលបុគ្គលម្នាក់បានជឿនៅក្នុងព្រះគ្រីស្ទ។ មិនមែនតាមរយៈការខំប្រឹងប្រែងធ្វើល្អ ប៉ុន្តែតាមការជឿទុកចិត្តទៅលើព្រះយេស៊ូ និងការស្វែងរក ដើម្បីដើរតាមផ្លូវរបស់ព្រះអង្គ។
សូមអាននៅក្នុង យ៉ូហាន៣：១៦ ហើយបំពេញឈ្មោះរបស់អ្នកនៅក្នុងចន្លោះនីមួយៗ៖
«ដ្បិតព្រះទ្រង់ស្រឡាញ់ ដល់ម៉្លេះបានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យ ដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យ មានជីវិតអស់កល្បជានិច្ចវិញ។»
(អានសារឡើងវិញ)
២. តើអ្នកអាចច្បាស់ដែរឬទេ ដែលអ្នកនឹងមិនត្រូវវិនាសនោះ?
(យ៉ូហាន ១០：២៧-២៩)
៣. តើព្រះយេស៊ូមានព្រះពន្ទូលសន្យាទៀតទេ ស្តីពីអនាគត ?
(យ៉ូហាន ១៤：១-៣)
៤. តើព្រះយេស៊ូបានសន្យាយ៉ាងដូចម្តេចខ្លះ ប្រសិនជាអ្នកស្តាប់បង្គាប់ព្រះអង្គ? (យ៉ូហាន ១៤：២១)
សូមទន្ទេញខគម្ពីរចងចាំចំនួន៤ នៅចុងបញ្ចប់នៃកាសិក្សាផ្នែកទី២ ហើយបន្តអានព្រះគម្ពីរជាប្រចាំថ្ងៃ ទូលសូមព្រះអង្គសម្រាប់ជំនួយ និងការដឹកនាំសម្រាប់ថ្ងៃនីមួយៗ។ អ្នកអាចនឹងចង់បញ្ចេញគំនិតតាមរយៈការអានរបស់អ្នក ចេញពីគម្ពីរដំណឹងល្អយ៉ូហាន។
(បទគម្ពីរដកស្រង់ចេញពីព្រះគម្ពីរសម្រាយ ជាភាសាអង់គ្លេស)
ការអត់ទោស ការសិក្សាផ្នែកទី២
១. ហេតុអ្វីបានជាព្រះយេស៊ូយាងមកក្នុងលោកិយ? យ៉ូហាន១:២៩។
២. តើលោកពីឡាត់បាននិយាយអ្វីអំពីព្រះយេស៊ូ? យ៉ូហាន១៩:៦។
៣. ព្រះយេស៊ូបានទទួលរង ទារុណកម្មជំនួសយើង សម្រាប់អំពើរំលងរបស់យើង (អំពើបាប) តាមរយៈការសុគតរបស់ព្រះអង្គនៅលើឈើឆ្កាង។ មានន័យថា យើងមិនត្រូវបានទទួលរងទារុណកម្មទៀតទេ។ ទារុណកម្មនេះត្រូវបានដកចេញដោយសារសេចក្តីជំនឿ នៅក្នុងអ្វីដែលព្រះគ្រីស្ទ បានធ្វើ។ សូមអានអំពីការសុគតរបស់ព្រះអង្គ នៅក្នុង គម្ពីរយ៉ូហាន ១៩:១៧-៣០។
៤. នៅក្នុង ១យ៉ូហាន ១:៩ យើងអាន «បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសំអាតយើង ពីគ្រប់អំពើទុច្ចរិតទាំងអស់ផង»។ ដើម្បី «លន់តួបបាប» មានន័យថា យើងសារភាពនៅចំពោះព្រះអង្គ ពីកំហុសដែលយើងបានធ្វើ។
បន្ទាប់ពីព្រះអង្គអត់ទោសយើងរួហើយតើព្រះអង្គធ្វើអ្វីទៀត?
ម៉ាថាយ ៦:១៤-១៥ « ដ្បិតបើអ្នករាល់គ្នាអត់ទោសចំពោះការរំលងច្បាប់ ដែលមនុស្សលោកប្រព្រឹត្តធ្វើ នោះព្រះវរបិតានៃអ្នក ដែលគង់នៅស្ថានសួគ៌ ទ្រង់នឹងអត់ទោសឲ្យអ្នករាល់គ្នាដែរ តែបើអ្នករាល់គ្នាមិនអត់ទោស ចំពោះការរំលងច្បាប់ឲ្យគេទេ នោះព្រះវរបិតានៃអ្នក ទ្រង់ក៏មិនអត់ទោស ចំពោះការរំលងច្បាប់ ដែលអ្នករាល់គ្នាប្រព្រឹត្តធ្វើដែរ។»
១. នៅក្នុងបទគម្ពីរនេះ តើយើងត្រូវធ្វើដូចម្តេចដើម្បីចេះអត់ទោស?
២. តើធ្វើយ៉ាងណាទើបយើងអាចអត់ទោសដល់អ្នកដែលបានធ្វើខុសនឹងយើងបាន?
នៅពេលដែលអ្នកអាចដោះលែងអ្នកដទៃទៀត ពីការមិនអត់ទោសរបស់អ្នក នោះអ្នកក៏អាចទទួលបាននូវការអត់ទោសមកពីព្រះជាម្ចាស់ដែរ។
និយាយចេញពីការអត់ទោសរបស់អ្នកចំពោះអ្នកដែលបានធ្វើឲ្យអ្នកឈឺចាប់ និង បំបាក់ទឹកចិត្តរបស់អ្នក ហើយទទួល និងអរព្រះគុណព្រះអង្គសម្រាប់ការអត់ទោសដល់អ្នក។ មិនត្រូវភ្ញាក់ផ្អើលនោះឡើយ ប្រសិនជាអ្នកត្រូវធ្វើវាម្តងហើយ ម្តងទៀតនោះ។
រស់នៅជីវិតដើរជាមួយព្រះយេស៊ូ ជាព្រះសង្រ្គោះ ព្រះអម្ចាស់ និងមិត្តសម្លាញ់ ធ្វើឲ្យទំនាក់ទំនងរបស់អ្នកជាមួយព្រះអង្គកាន់តែស្និទ្ធស្នាល។ តែងតែមានអ្វីជាច្រើនទៀតដែលត្រូវរៀនបន្ថែមទៀត!
ខគម្ពីរដែលត្រូវរៀន
| ព្រះបន្ទូលសន្យា ស្តីពីជីវិត (យ៉ូហាន ៣：១៦) «ដ្បិតព្រះស្រឡាញ់មនុស្សលោកជាខ្លាំង បានជាទ្រង់ប្រទានព្រះរាជបុត្រាតែមួយរបស់ព្រះអង្គ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ។» | ព្រះបន្ទូលសន្យា ស្តីពីជ័យជំនៈលើ ការល្បួង (១កូរិនថូស ១០：១៣)«គ្មានសេចក្តីល្បួងណាកើតដល់អ្នករាល់គ្នា ក្រៅពីសេចក្តីល្បួងដែលមនុស្សលោកតែងជួបប្រទះនោះឡើយ។ ព្រះទ្រង់ស្មោះត្រង់ ទ្រង់មិនបណ្ដោយឲ្យអ្នករាល់គ្នាត្រូវល្បួង ហួសកម្លាំងអ្នករាល់គ្នាឡើយ គឺនៅវេលាណាដែលត្រូវល្បួង នោះទ្រង់ក៏រៀបផ្លូវឲ្យចៀសរួច ដើម្បីឲ្យអ្នករាល់គ្នាអាចទ្រាំទ្របាន។» |
| ព្រះបន្ទូលសន្យា ស្តីពីការអត់ទោស(១យ៉ូហាន ១：៩) «ប្រសិនបើយើងលន់តួបាបរបស់យើង នោះព្រះអង្គមានព្រះហឫទ័យស្មោះត្រង់ ហើយសុចរិត ព្រះអង្គនឹងអត់ទោសបាបឲ្យយើង ហើយសម្អាតយើងពីគ្រប់អំពើទុច្ចរិតទាំងអស់។ » | ព្រះបន្ទូលសន្យា ស្តីពីព្រះវត្តមានទ្រង់ (ហេប្រឺ ១៣：៥) «យើងនឹងមិនចាកចេញពីអ្នក ក៏មិនបោះបង់ចោលអ្នកឡើយ» |
« ការរីកចម្រើន នៅក្នុងព្រះគ្រីស្ទ គឺជា ការណែនាំដែលមាននៅក្នុងការសិក្សាទាំងនេះ។»
Free Essential Christian Resources for New Believers & Leadership Growth 